Sunday, 21 September 2008

අපි පොත් අතර සහ ඇයයි මමයි

අද දවස (2008-09-20) මෑතකදි මම ගත කරපු හොඳම දවසක්...

සති කීපයක ඉඳන් කතා වුණ විධියට අද දිනය තුල අපේ හමුවීම සඳහා උදේ මම නුගේගොඩ බෝ ගහ ගාව හිටිය කට්ටිය එකතු වෙනකල්. උද්‍යෝගයෙන්. පාරෙ පන්ති ගිය නංගිලා මගේ ඇස් පිනවද්දි මම හිතුව කට්ටිය ටිකක් ප්‍රමාද වුණා නම් හොඳයි කියලා. :p ඒත් වැඩි වෙලාවක් නොගිහින් කළු ඇඳගත්තු උස හාදයෙක් ඇවිත් මට කතා කලා. ඒ පාකර් හෙවත් දම්ස් හෙවත් මහේන්ද්‍ර ධම්මික මල්ලි. හරිම ලස්සන හිනාවක් එක්ක සිහින් කටහඬක්. හරිම දැවැන්ත කසුන් කල්හාර කෙනෙක් කියල මට හිතුණ. අපි දෙන්න කදේ දාගෙන ඉද්දි මගේ දුරකථනයට බෝමන් කතා කලා අඩි කීපයක් එපිට ඉඳන්. හික් හික්... මට මායි බෝයි රවියි තුන්දෙනා සෙට් වීම මතක් වුණා. එදත් ඕකම වුණා මට. ඔන්න ඉතිං බෝ සහ සමීරම් දෙන්නත් ඇවිත්. බෝ ගැන කියන්න දෙයක් නෑනෙ ඉතිං. මාව කඳු තරණය කරන්න එක්ක යන මිතුරන් අතර තවත් එක පිස්සු කේස් එකක් හරිම ‍හුරතල් අර හිනාවයි රැවුලයි එක්ක. සමීරම් නම් කොණ්ඩෙ නැති මම වගේ. එයාට මටත් වඩා පිස්සු කියල මලී පසුව කිව්වා. සමීරම් ‍බෝ වගේම කට වාචාලයෙක්. එයා ටිකක් අර චිත්‍රපටි අධ්‍යක්ෂ සෙනේෂ් බණ්ඩාර දිසානායක වගේ කියල මට හිතුණ.

තව දෙන්නෙක් එන්න හිටිය. ඒ දෙන්න එනකල් අපි ඒ කඩ පේලිය කෙලවර ඉන්දියානු කෑම කඩේට ගිහින් එලවලු සහ මාංශ මිශ්‍රණයක් වටේ පිෂ්ඨය ඔතල තිබුණ කෑමකින් සප්පායම් වුණා. ඔය අතරෙ ආවා ඊළඟ සාමාජිකයා හෙවත් පමිත්... හප්පා එයා හරි ලොකු කඩවසම් හැඩි දැඩි සිරුරක් තියෙන මල්ලියෙක්. එයාගෙ මූණෙ හැඟීමක් තිබුණෙ නෑ. ඒත් එයාගෙ සිතිවිලි දන්න නිසා මම දැනං හිටිය එයා තුල ඉන්න පමිත්K ව බාහිරින් එයා ගල් කන්දක් වගේ.. එයත් අපිත් එක්ක කතාවෙන අතරෙ ශිවාගෙන් ඇමතුමක් ආවා. එයා එතනට ඇවිත් අපිව හොයනවා. එයා හෝටලය තුලට ගෙන්වාගත්තා. ශිවා හෙවත් ශිවන්ත සුදු මට වඩා ටිකක් මහත කණ්නාඩි මූණක් තියෙන හරිම සැහැල්ලුවෙන් හරිම සුහදතාවයෙන් ඉන්න කොල්ලෙක්. බොහොම සුළු දේට පවා මහ හයියෙන් හිනාවෙමින් එයා කතා කලා...

ඉතිං ඔන්න නුගේගොඩ ඉඳන් බස් දෙකක ඇවිත් අපි කට්ටියම පෝලිමට එකතු වුණා BMICH එක ඉදිරියේ. මේ වතාවෙ රුපියල් 10ක ටිකට් එකක් ගන්න වුණා අපට. ඒක හොඳයි කියල මට හිතුණෙ රුපියල් 10ක් ඇතිද කියන පුරස්ණයත් එක්කමයි. කොළඹ ජාත්‍යන්තර පොත් සල්පිල විලාසිතාවක් විධියට වන්දනා කරන අය නිසා නිදහසේ පොත් තෝරන්න සහ මිලට ගන්න ඒ වෙත එන පාඨකයන්ගේ නිදහස ඇහිරුණා කියන චෝදනාව ඇත්තක්. සමහරු ඒකට යන්නෙ වෙන වෙන වැඩ වලට. ඒක හරහා තමන්ගෙ වෙනත් හිස්තැන් පුරවගන්නත් සමහරු ඒකට ආවා. මම දන්න පොත් පාඨකයින් කීප දෙනෙක් එක්කම කතා කරපු වතාවකදි එයාලත් මේ ටිකට් ක්‍රමය සාධාරණීකරණය කලා. කොහොම හරි මේ වතාවේ ඇතුල්වීමේ ගාස්තුව රුපියල් 10යි.

අපි පොකුණ පහු කරන් ඒකට පනින්න නොහැකි වීම ගැන පසුතැවෙමින් ප්‍රධාන ශාලාවට ඇතුලු වුණා. ටික දුරක් යන්න ලැබුණෙ නෑ. අපේ යාළුවෙක් අපට ඉදිරියෙන් ඇවිත් අපව පසු කලා ගෑණු ළමයෙක් එක්ක. අපි කට්ටියම හොඳින් දන්න නිසා අපි එයාට කතා කලාට එයා අපට හස්ත මුද්‍රාවෙන් කතා කරන්න බැරි බව කියල වහාම ගියා. අපි පුදුම වුණා. එයා ගැන තර්ක කලා. කොහොම හරි එතනින් එහාට ඒක අරන් යන්න ඕන වුනේ නෑ.

අපි පොත් අතරට එකතු වුණා. ප්‍රදර්ශණයේ පළමු දවස් වීමත් අපි ටිකක් උදෙන්ම පැමිණි නිසාත් වැඩිය සෙනගක් හිටියෙ නෑ. වෙන වතාවලදි ප්‍රධාන ශාලාවට ඇතුල් වුණ ගමන්ම තියෙන කොරිඩෝරය හරහා එහා පැත්තට යන්න පුදුම සටනක් කරන්න වෙනවා. අපි හිටපු වෙලාවෙ ඒ තරම් සෙනගක් නොහිටියත් වෙළඳ කුටි තුල නම් සැලකිය යුතු කොටසක් හිටියා.

ඔය අතරෙ අපේ එකම කාන්තා සාමාජිකය හෙවත් මලී මෙනෙවිය සම්ප්‍රාප්ත වුණා. :p එයාගෙ අම්ම එක්ක. එයා ගැන නම් නොකියන එක හොඳයි. මම කියන්න ගියොත් මොනා කියවෙයිද මන්දා.. හික් හික්.. වැඩිය කතා කරන්න ලැබුණෙ නෑ ඉතිං. ;) කොහොම වුණත් කලින් දැකල නැති නිර්මාණ සහ අදහස් හරහා අඳුණගෙන හිටපු යාළුවො ටික අඳුණ ගන්න ලැබීම සතුටක්. මම හිටියෙ උපරිම තෘප්තියෙන් ඒ මොහොතෙ. ඔය අතරෙ ආවා තවත් යාළුවෙක්. ඒ අපේ මහ ගෙදර අසිත-k හෙවත් අසි. සරල කොල්ලෙක් හරිම classic ගතියක් තිබුණා. පන්තියකට සහභාගි වෙන ගමන් අපිව බලන්නම ඇවිත්. හරිම සුන්දර හමුවීමක්...

ඉතිං අපි පොත් කුටි අතර සරමින් පොත් බලමින් සහ මිලදී ගනිමින් රවුම් ගැහුවා. බෝ ජීවිතය පිළිබඳ පොත් හොයන අතරෙ මම හෙව්වෙ කාලයකට කලින් කියවපු පොත් නැවත මුද්‍රණය කරල තියේද කියලයි. සමීරම් මාර්ටින් වික්‍රමසිංහගෙ පොත් එකතුවක් හෙව්ව. අනිත් අය මොනා හෙව්වද මන්දා. මලී මොනවදෝ පොත් ලැයිස්තුවක්ම උස්සන් ඇවිත් තිබුණ. අපි වගේයැ ගෑණු. ඒ පොත් සේරම ගත්තද කොහෙද. සමීරම් මං වගේම විද්‍යා පුබන්ධ රසිකයෙක් කියල මට වැටහුණා. එයත් ආතර් සී. ක්ලාක් පිස්සෙක්. දෙන්නම සිංහලට පරිවර්තිත විද්‍යා පුබන්ධ සියල්ලක්ම වගේ කියවල තිබුණ. මට මාර ගතියක් ආව ඇඟට. එක වගේ ගස් ටිකක් අන්තිමේ මෝලෙදි සෙටා වෙලා... හික් හික්..

අපි 2 විතර වෙනකල් හිටියා පොත් අතර. විවිධ විකාර දොඩවමින් අපි ඇවිද්දා කකුල් රිදෙනකල්. අවසානෙදි කෝක් වඩියකින් තොලකට තෙමාගෙන අපි ආවා...

------------------------------------

සතුට සොයා යාම පිළිබඳ සටහනක් ලියන්න සෑහෙන කාලෙක ඉඳලා උත්සාහ දරමින් සිටියත් කාලය සහ නිර්මාණාවේශය පිළිබඳ ගැටළු නිසා ඒක ටිකෙන් ටික යට ගැහුණා. ලඟදීම බලන්න පුළුවන් වෙයි. අද දවස පුරා මම ලැබුවෙ මම හොයාගෙන ගිය, ඒ හරහාම පරිසමාප්ත වුණ සතුටක්. එක වගේ යාළුවො ටිකක්. විවිධ දේවල් හදාරන, දැනුම සොයන කට්ටියක්. ඒ නිසාම කවදාවත් කතා කරන්න දේවල් නැතිව ගොළු නොවෙන පිරිසක්. එකම දෙයක් වෙනුවෙන් කතිකාවතක්. විවිධ තර්ක විතර්ක තියෙන නමුත් ගැටීම අවම සම්බන්ධ ටිකක්. හරිම අපූරුයි. මම ගෙවපු හරිම සුන්දර උදය වරුවක්. ඇත්තටම මම හරිම සන්තෝෂයෙන් ගෙවපු උදය වරුවක්...

ඒත් ඒ සතුට එක්කෙනෙක් නිසා සවස් වරුවෙදි අහිමි වුණා මට. :( සවස් වරුවෙ මම වෙනම මම කෙනෙක් වුණා. මම ඒ තුල වෙනම සතුටක් ලැබුවා. කිලෝමීටර කීපයක් ඇවිදල අපි අපේ සුපුරුදු අවන්හලට ගියා සප්පායම් වෙන්න. ඒ වෙලාවෙ සම්පූර්ණ අවන්හලම පිරිල තිබුණ මොහොතක අපි දෙන්නා අසරණව ආයෙත් යන්න සූදානම් වෙද්දි අපට අඬගහල අසුන් දෙකක් දීපු අයියට ගොඩක් ස්තූතියි. අපි දෙන්නම එයාට හිනාවකින් ස්තූති කලා. ඉතිං ආයෙත් මට උළුදු වඩේ පාරක් දාන්න ලැබුණා ප්ලේන්ටි වීදුරු 1½ක් එක්ක. ඒ එක්කම පලතුරු ආශ්‍රිත කෑම වර්ග දෙකක්ම අපි බඩට දාගත්තා.

අන්තිමේ අපේ අත් අතර පැටලිලා අයෙත් අපි පාරට බැස්සා. ඇය මාව නැවතත් ඇයත් මාත් තනිව ඉන්න ලෝකයට ගෙන ගියා. මිනිස්සු අපට හිනා වුණා. අපි දිහා බැලුව කන්න වගේ. ඒ සේරම මට වැ‍ටහුණා. ඇයටත් ඒ වගේම වැ‍ටහෙන්න ඇති. ඒත් ඇය මාත් එක්ක ඇවිද්දා මුළු ලෝකෙම අමතක කරල. ලෝකයට අනුව අපි පරිසමාප්ත පෙම්වතුන් නොවෙන්න ඇති. ඒත් අපි දන්නවා අපි කවුද කියලා... ඇයයි මමයි අපේ යාළුවොයි.

ඒක එහෙම තමයි ඉතිං.

අන්තිමේදි හික් හික් තමයි කියන්න වෙන්නේ.



23 comments:

  1. amme!! maawa thiyapu murunga aththa kadune nathnam hondai..aththama kiyanawanam mata eeye hondatama una!! mama parker ta witharai kiwwe..ogollanta kiwwanam mata yanna kiyanawa..ekai mood gahala wage hitiye..vely soly..ape shanthi vihar wandanaawa ayayta miss wuna eka aparade..(those ekak 90!!)..kesewethath..asaneepayen sitiyada itha honda mathaka satahan keepyak labeema pilibanda sathutu wemi :)

    ReplyDelete
  2. අහා එළ එළ! කට්ටියම පොත් ඇරගන්න ගිහිල්ලා වගේ. මටත් කතා කරානම් එනවා නොවැ ;)

    මොනවාද ගත්ත හොඳ පොත් එහෙම?

    ReplyDelete
  3. පොත් ගත්තත් නැතත් පොත් අස්සෙන් ඇවිදගෙන යන එක නම් හරි සුන්දර අත්දැකීමක්. ඒක විඳින්න තම මන් නම් වැඩිපුරම යන්නෙ.

    ReplyDelete
  4. හප්පා ඔය දාල තියෙන්නෙ වමනෙ පාරක් අපිවත් නෑවෙන්න..නියමයි! ආපහු මොකුත් මිස් කරන්නෙ නැතිව කදිමට අපේ අත්දැකීම විස්තර කරල තියනව.

    විදර්ශනා එක ඇතුලෙ මම බයිට් උනාදත් මන්ද..හික් හික්..

    ඔයා සමුගත්තයින් පස්සෙ අපි ශාන්ති විහාර් එකෙන් තෝසෙ පාරකුත් දාල 138කට ගොඩ උනා.
    5 උනා ගෙදර යද්දි.

    ReplyDelete
  5. Hello, I like this blog.
    Sorry not write more, but my English is not good.
    A hug from Portugal

    ReplyDelete
  6. ඇයි ඇයි විදර්ශනා එකේ මොකෝ උනේ?
    ඇත්තටම ඊයේ හරිම සොදුරු දවසක් (උදේ වරුව) හිකිස් මම ගෙදර ආවේ 7 ට විතර හප්පේ මං දෙයියෝ සිහිවෙලා ආවේ අප්පා

    ReplyDelete
  7. ශා මේ ලියමන කියවද්දී මට මැවිලා පේනවා බීමිච් එක,( BMICH) මේ පාර සාහිත්‍ය උත්සවේ මග හැරුන එක ගැන දුකයි. ඒ එක්කම හැම තැනම තියන නොයෙක් පොත් දොරට වැඩීමේ උත්සව සහ සම්මන්ත්‍රණ සියල්ලත් මග හැරෙනවා. ඒත් සාහිත්‍ය ගැන උනන්දුවක් දක්වන තරුණ පිරිසක් ඔන්ලයින් සිටීම ගැන ඇත්තටම සතුටුයි.

    ReplyDelete
  8. shaa harima sundara dawasak. frediwa dakapu gaman mata hithuna harima sarala charithayak kiyalai.. aththatama godak santhoshen gatha kala api hamoma bo, malee, pamith, parker, asitha wath hambauna ahamben wage... anthimata those parak ehema dala api sathutin wisriragiya.

    ReplyDelete
  9. මේක මාර set විල්ලක්නෙ යකෝ..මුන්ට දැන් පුරුද්දකට ගිහින්ද මන්ද...මෙහෙනම් මචං මැෂින් වගේ වැඩ..එක ගෙදර ඉන්න 3 න් දෙනා තව එකෙක්ව දකින්නෙත් සතියකට විතර සැරයක්...hikz hikz....ඔන්න අද අපි වෙනුවෙන් අපි සංගීත සංදර්ශණයක් තියෙනව ලංකාවෙ ඈයොන්ට set වෙන්න ....

    ReplyDelete
  10. කෝ අපිත් එනවනෙ කිවුවනම්!!!
    මෙයාලා තනියෙම ගිහින්..
    ෂීක් මම මේ ටිකේ ඔන්ලයින් හිටියෙත් නෑ හරියකට..

    ReplyDelete
  11. Hmmm.........Haresh niyameta dunna vistarey, den me mallilava parakadi dekkath anduna ganna puluwan........ara nangiwa describe kaley nethi eka thamai aduwa....Nugegoda bogaha, 138,Shanthi Vihar....mewa okkoma ek kalekadi (May be the best era)magey jeewithema kotahak.....Sthuthiy mathak kalata....

    PS: Science fiction kiyawanawanam, pariwarthana nethiwa, English walin kiyawanna

    ReplyDelete
  12. Aaaa mamath awa BMICH...oyala mawa dakke na eth man nam oyalawa dakka...he he....
    matah kiwwanam enawane...:D :P
    oya kattiyawa dakinna nam harima asai... man hithanwa lagadima dakinna labei kiyala...:D
    oya gaththa poth walin ekak matah dennako kiyawanna...:)

    ReplyDelete
  13. hee! hee! aayeth ahala. samira wa nam adhuna gaththaa. (pissu muuna dhakala thiyana nisa hodai). Bo nam "fair and lovely" gaala da koheda awith hitiye :P

    yup shiwa kiwwa hari. freed kiyanne harima sarala charithayak. mmm thawa mona da itin meka wamaarala ne kiyanna ona dewal okkoma.hehe

    habai those kaddi kattiya kiyapu dewal nam freed danne na:P boman daai ewa mage hithe:P

    ee dawasa nam amataka wenne na appa!

    btw freed "dhamz = දම්(ස්)" :D

    ReplyDelete
  14. pamith ge muuna kalin dakala thibbe nethinam mata kattiyawama miss wenna thibuna!

    enna hitapu gamanak newei awe
    mama BMICH eka gaawa bus eke eddi mage tamil yaluwata kiya kiya hitiye ada kattiya set wenawa mata yanna widihak nea kiyala.

    miniha kadichcha sinhalen "Nea machchan api gihilla balala emu" kiyala :lol:

    ReplyDelete
  15. @Asi - eyalata thamai hodama hoda yaluwo kiyanne... api adaren eyawa mathak kala kiyanna eth ithin mata nam eyage munawath hariyata mathaka nehe.. :-(

    ReplyDelete
  16. අප්පේ ඩිග!

    @ පමිත් - මම ඔයාව තිබ්බේ බුරුත අත්තක. භය වෙන්ට කාරි නෑ. ඔයා ඒ අත්දැකීම ලබන්න කරපු කැපවීම ෂෝයි. නහයෙන් අඬන්නෙ නැතිව දරාගෙන හිටියා. එල!

    @ හොඳ පුතා - මම ගත්ත පොත් මම ඔයාගෙ වමනෙ ගොඩේ ලිව්වා. ලබන වතාවෙත් මේ වගේ හිටියොත් යමු.

    @ මරණය - අහෝ නුඹව අමතන්නට මා භාග්‍යමතෙකු වූ මහත! මමත් එහෙම තමයි. 2001-2002 කාලෙ ඉරිද දිනවල මම පැය ගණන් නුගේගොඩ සරසවියෙ සහ විදර්ශන පොත් සාප්පු වල සහ පිටකොටුවෙ ගුණසේන එකේ ඉඳල තියෙනව. ඒක නිකං පාරෙ යන ලස්සන කෙල්ලෙක් දිහා බලල ගන්න තෘප්තිය වගේ.

    @ බෝමෑන් - විදර්ශනාවෙද වුණ දේත් මරු තමයි. අපිත් කෑව වඩේ හරිද?

    @ පෘතුගීසි අයියා - ඔයාට සිංහල තෙරියමාද?

    @ පි.කෝ. - ඔයාට දෙයියො අමුතුවෙන් සිහිවෙන්න ඕනයැ. කාමරේ ඉන්නවලු නේද සෙට් එකක්ම. විදර්ශනා එකේදි ඔයාව දැක්ක විතරයි බෝට උන්හිටි තැන් අමතක වුණා. එච්චරයි.

    @ බෝවුමන් - නියමයි සහෝ. ලබන පාර සෙටා වෙමුකො අපිත් එක්ක. හිටියොත් මේ වගේ.

    @ ශිවා - කියල වැඩක් නෑ නේද මචෝ. ආයෙ දවසක් සෙට් වෙමු ‍තව මොකක් හරි එකක් හදාගෙන.

    @ සම්පත් - ඒ අතින් තවම ලංකාව හොඳයි වගේද? කොහොමත් ලංකාවත් දැන් යන්තරේ කෑලි අප්ග්‍රේඩ් කරනව. ඊට පස්සෙ අපිට තව තදින් දුවන්න වෙයි. සාහිත්‍යයට මොනා වෙයිද මන්දා.

    @ සි.කො. - කරන්න දෙයක් නෑ මල්ලියෝ. ලබන වතාවෙදිවත් හමු වෙමු. ඊට කලින් හමු නොවුනොත්.

    @ ජයා - ඔයත් හිටිය නම් අනිවා එනව නේද අයියේ. නංගිව විස්තර කරන්න පේන්නෙ නෑ අප්පා. දර්ශණ පථය අවහිර වෙලා. ප්‍රබන්ධ තියා පත්තරයක්වත් මට ඉංග්‍රීසියෙන් කියවගන්න බෑ අප්පා. කොහොමත් මම මවාගන්න චිත්‍ර ටිකට භාෂාව හරස් වෙන්නෙ නෑ. ඔයා කියන දේ ඇත්ත හැබැයි. මොකද පරිවර්තනයෙදි හැලෙන ටික කවදාවත් ගන්න වෙන්නෙ නෑනේ.

    @ ටී.කේ. - අපෝ... ඔයාට කියපු නැති එකට මට කරන්න දෙයක් නෑ. මයා මට වඩා මෙතන ඉන්න අනිත් හැමෝවම දන්නවා. කිව්වෙ නැද්ද එක්කෙනෙක්වත්? එයාල හරිම දුෂ්ඨයි නේද? පොත්නම් දෙන්නම්කෝ. දැන් මට පොත් ගන්න ඕන නෑ වගේ. මොකද මම බලපු පොත් සේරම වගේ මලී, බෝ සහ සමීරම් ගත්තා. මම ගත්ත වගේ තමයි. හික් හික්...

    @ දම්ස් - මම ඔයාගෙ නම හැදුවා කේ.කේ. මල්ලියෝ. ඇත්තටම බෝ ඒව ගානවද මන්ද අප්පා.. සස්සනේ බෑ. මට හිතාගන්න පුළුවන් කට්ටිය තෝසෙ එක්ක ගත්තු බයිට් මොනාද කියලා. ඒව එහෙම තමයි. හැමෝම නැති තැන බයිට් වෙන ලෝකයක් මේක. මටත් කිව්ව නම් හෙන ආතල් එකක් ගන්න තිබුණා.

    @ අසි - ඔයාගෙ යාළුවට ස්තූති කරන්න. ඇත්තටම එහෙම හරි ඔයා ආපු එක කොයි තරම් දෙයක්ද? ඔයාගෙ මූණ ඔයාගෙ ඇවා වගේමයි අසි. මම ඒක එදත් හිතුවා...

    ReplyDelete
  17. bite ekata gaththe itin samiram, boman, shiwa kiyapu kathaa thama. :) habai ewaye charitha oyawa niruuupanaya karanne naha. so dnt worry :D

    ReplyDelete
  18. @ asi:

    yaaluwa wa mathak kalaa kiyanna!

    ReplyDelete
  19. OK kattiya mama yaluwata kiyannam oyagollo mathak kala kiyala! :D

    @ Freed : ow ow avatar eke mage hadaruwa thiyanawa ;)

    ReplyDelete
  20. ෂා ෂා.. කට්ටියම මරු ෆන් එකක් අරගෙන වගේ...

    අපිත් පොත් නම් කියවනව කවුරු හරි එව්වොත් අපිටත් පොතක් දෙකක්.... :P :P

    බොමන් ලංකාවෙදි දුන්නු පොත නම් ගොඩාක් රස වින්ඳා. හරේ අන්න නියම පොතක් මචං. ලැබුනොත් කියවන්න. 'සිසිරයේ එක් රැයක මඟියෙක්'.

    මේ බ්ලොග් පෝස්ට් එකේ හරය තියෙන්නෙ අර කඩ ඉරෙන් පස්සේ වගෙයි නේද හික් හික්

    මචං මේ ලෝකේ පරිසමාප්ත, පරිපූර්ණ පෙම්වතුන්/වතියන් නැහැ "අනිත් මිනිස්සුන්ට". මට නම් මගේ පෙම්වතිය මට පරිපූර්ණයි ඇන්ඩ් පරිසමාප්තයි. උඹටත් එහෙමයි කියල මම/ අපි දන්නව. :)

    පෙම්වතියත් එක්ක වෙනත් ලෝක වලට අතින් අල්ලගෙන යන්න ලැබෙන උඹ ගැන මොකක්දෝ මන්දා ඊර්ශ්‍යාවකුත් පහල වෙනව වගෙයි අපිටනම්... හෙහෙ

    උඹට ජය හරේ! හුරේ!

    ප:ලි: අඩෝ තොපිට මාව සහ සම්පත්ව නිකමටවත් මතක් උනේ නැද්ද ඩෝ?

    ReplyDelete
  21. @ දම්ස් - මමත් ආසයි අනේ බයිට් වෙන්න. මැරුණට පස්සෙ කවුරු බයිට් කරන්නද?

    @ එක්ස්පී - සිසිරයේ රැයක මගියෙක් නම් මාර පොතක් තමයි. මුල ඉඳන්ම අපේ ෆැන්ටසි කඩල දානවා. මැදකදි අපිත් පොත වෙනවා. අවසානයේ කොහෙන්දෝ ඉඳල ආයෙත් ෆැන්ටසිය ඉහලට එනවා. කියවල ඉවර වුණාම හිතෙනවා මේක සිසිරයේ රැයක මගියෙකු වුණා නම් කියලා...

    ඉරිසියා කරපල්ලා අපි ගැන. ඒකත් අපිටම එක හැඟීමක්නේ. ඒකෙන් වියරු නොවැටී හිටපල්ලා. ;)

    ඔයාලව මතක් නම් වුණා එක මොහොතක චේ ගෙ පොත් ටිකක් අතරෙදි. සෑම් එදාම කවියක් දාල තිබුණනේ මල කියලා. ඒක ඇත්තටම මාව රොකට්ටුවක් කලා...

    ReplyDelete
  22. dinaya : AUG 20

    welawa :11-12 athara

    mage jeewithe wenas wee nowenas wiya.

    ReplyDelete
  23. @ R - බයිල නොගහ කියන්න තියෙන දේ පස්සෙ කියන්න හො‍ඳේ...

    ReplyDelete

මං ඔයාගෙ එකේ බයිල ගහන නිසාවත් ඔයා මාව දන්න නිසාවත් නෙවෙයි. මගේ වමනෙ පාර දැකල ඔයාලටත් වමනෙ යන්ඩ වගේ එනවනම් විතරක් මේ කොමඩ් එකට දාන්ඩ!