Monday, 29 September 2008

ක්‍රමය

මේක මේ අවකාශේ අපේ බෝ දාපු පින්තූරෙකට මම ලියපු එකක්....

ඕන නම් ගිහින් බලන්න කට්ටිය මේ එකම පින්තූරෙට දාපු කවි.




මා වටා
මා උපන් දා සිටම
වෙලී මා අඳුරු කර
කළුවරේ හිඳවූ
මට සිලිටි නැති
හතරැස් ක්‍රමය...

නුඹ තුලම
නුඹේ විලසින්ම
කවුලුවක් තැනුවෙමි

අඳුරේ සිට වුවද
දැන් මට හැකියි
නිදහසේ ඉම දකින්නට

අවැසි නම්
මට උවමනා විටෙක
නුඹ හැරදමා
සයුරේ පාවී
ක්ෂිතිජයෙන් එහා
මා කැමති අහසට
පනින්නටත්
හැකියි දැන් මට

© හරේෂ් එරංග ද සිල්වා
2008-09-28




7 comments:

  1. hatharas kramaya thula indanma nidahasa windina kenek gana wage:)

    ReplyDelete
  2. මේක නම් හරයා මට විස්තර කරන්න අමාරු තත්ත්වයක් තියෙන්නෙ. නමුත් මට තේරෙනව මේකෙන් කියන දේ. එක්තරා ගැලවීමක් වගේ දෙයක් නේද?

    ReplyDelete
  3. දුකත් දන්නවා දුකට හේතුවත් දන්නවා දුක නැතිකිරීමේ මාර්ගත් දන්නවා ඒත් ඒ මාර්ගයේ යන්න හිතලා නෑ..එ‍හෙමත් නැත්නම් කම්මැලිකමේ හෝ වෙන හේතූවක් නිසා හෝ පමා වෙනවා...ඒත් උවමනා ඕනෑම වෙලාවක යන්න පුළුවන්...ගිහින් තියේවී...ඒ වගේ අදහසක්ද දෙන්න හැදුවේ?

    ReplyDelete
  4. පුදුමයි කට්ටියගෙ කතාව. මේක හොඳට තේරෙන එකක්නේ. නලිය නම් ටයිප් කරන්න කම්මැලි නිසා ෂේප් වෙලා. මලී සහ දම්ස් ලඟට කට ගාවටම ඇවිත්.

    මම ඉන්නෙ අඳුරු කුටියක. ඒක හතරැස් එකක්. මාව අඳුරෙ තියනවා ඒක. නමුත් මේ කවුලුව තුලින් මට අනන්තය පේනවා. ඒක මම දකින්නෙ මගේ නිදහස හොයාගෙන පිටවෙන්න තියෙන විවරයක් විධියට.

    ReplyDelete
  5. හරි හතරැස් කළුවර ගුහාවක ඉඳන් ජීවිතේ විඳවන්නෙ නැතුව එලියට පැනල මහා සාගරය වගෙ විඳින්න තියෙනවනම්

    ReplyDelete
  6. මරණය
    මට නුඹව පේනවා
    දීප්තිමත් මහා සාගරය ලෙස
    අඳුරු ජීවිතයෙන් එපිට

    ReplyDelete
  7. @ ම - නියමයි නියමයි... ඒ වගේම වෙනත් එකක්. ඔයා කියවල තියෙනවද ගෝර් විදාල්ගෙ ගැලවුම්කාර ඉසිවරයා. ඒකෙ කියවෙන්නෙ වෙනම කතාවක් වුණාට කතා වෙන සංකල්පයේ කියවෙනව ආගමක් ගැන. ඒකෙ ප්‍රධානම ඉගැන්වීම මරණය සියල්ලට විසඳුම කියන එකයි. නමුත් විවිධ හේතු මත පසුව ඒක වෙනස් පැත්තකට යනව.

    දැනට මට නින්ද උපරිම සුවයක්. මරණය නම් සදාතනික එකක්!

    ReplyDelete

මං ඔයාගෙ එකේ බයිල ගහන නිසාවත් ඔයා මාව දන්න නිසාවත් නෙවෙයි. මගේ වමනෙ පාර දැකල ඔයාලටත් වමනෙ යන්ඩ වගේ එනවනම් විතරක් මේ කොමඩ් එකට දාන්ඩ!