Friday, 5 December 2008

ඔයාගෙ බඩවැල් වලට මම ආදරෙයි රත්තරන්

මේක ඇත්තටම නිකන් ජෝක්මය සටහනක්. ඒ වුණාට ලියන්න හිතුවා ලැබුණ පුංචි විවේකයෙදි. අද මගේ මිතුරා රවි මහත්තයා ඇවිත්, අපි දෙන්නා ටිකක් කතා කලා. එයා මගෙන් ඇහුවා මම කාට හරි රත්තරන් කියලා කියල කියෙනවද කියලා. මම ඔව් කිව්වා සහ ඒ එක්ක ලොකු කතාවක් ඇදුණා අපි දෙන්නා අතර. මේක සාරංශයක්...

තමන්ගෙ පෙම්බරියට හෝ පෙම්බරාට රත්තරන් කියල අමතන එක කාලාන්තරයක් පුරා තියෙනවා මම දන්න තරමින්. අපේ අම්මල තාත්තල ආදරේ කරද්දිත් එයා‍ලගෙ දෙමව්පියො ආදරේ කරද්දිත් මේ රත්තරන් භාවිතා කරන්න ඇති. කොහෙන් පටන්ගත්තද මන්දා මේ රත්තරන් කෑල්ල. අර කුස පබාවතී කතාවෙත් රත්තරන් කඳක් ගැන කියවෙන හින්දා මේක ලොකු ඉතිහාසයක් තියෙන කතාවක් කියලා හිතන්න පුළුවන්. කොහොම නමුත් ඒක ඉන්දියාවෙන් හෝ වෙනත් බටහිර රටකින් ආපු භාවිතාවක් කියල කියන්නත් බෑ වගේ මට නම්.

කොහොම නමුත් මට තේරෙන විධියට "මම ඔයාට ආදරෙයි රත්තරන්" කෑල්ල අද වෙනකල්මත් පෙම්වතුන් පෙම්වතියන් භාවිතා කරනව. ඒ වගේම එකක් තමයි ඔය "මැණිකේ" කෑල්ල. මගේ මැණිකෙ කියල දැන් නම් තමන්ගෙ බිරින්දැට කියනවද දන්නෙ නෑ පිරිමි අය.

ඒ කාලෙ උදවියට දැනගන්න තිබුණ වටිනාම දේ රත්තරන් සහ පොදුවේ මැණික් තමයි. නමුත් දැන් ආභරණ වලට පාවිච්චි කරන වඩා වටින ලෝහ තියෙනවනේ ප්ලැටිනම් වගේ. (ප්ලැටිනම් කියන්නෙ වටිනම ලෝහය නෙවෙයි. හැබැයි රත්තරන් වලට වඩා වටින ඒකෙන් අභරණ හදනවා.) ඒ වුණාට තාම අපි අපේ ප්‍රේම ලෝකයට ප්ලැටිනම් ගෙන්නගෙන නෑ නේද?

හික් හික්.. මෝඩ ප්‍රශ්ණයක් තමයි... අර සින්දුවක නම් තියෙනවා "ප්ලැටිනම් කඳකටත් වැඩිය වටිනව මට ඔයාව, ෆ්ලෑෂ් ලයිට් වලට වැඩිය එලියයි ඔබෙ හිනාව" කියල.

මම් නම් මගේ එක්කෙනාට text කරද්දි ඉඳල හිටල කියනව Hi Platee කියල.. ;)


--------------------------

ඔය කතාව යන අතරෙ දීපිකාගෙ සින්දුවක් ගියා පසුබිමින්...

"මගේ කඳුළු වැල්.. ඔබට සිනා මල්..
මගේ සුසුම් වැල්... ඔබට පවන් රැල්..." කියලා...

මිස්ටර් රවි කෑ ගහල කිව්වා... එතකොට මගේ බඩවැල් ඔබට මොනවගේද කියලා.....

16 comments:

  1. :P :P

    අයියෝ මේක මම මේ කියවන්නේ රෑකනේ මේ වෙලාවේ හිනා වෙලා ගෙදර අය නැගිට්ටවන්න බෑහැ. මම නම් ප්‍රතිපත්තියක් විදියට රත්තරං කියන්න්න්න්නනේම නෑ...

    ReplyDelete
  2. රත්තරන් මැණිකෙ සුදූ වගේ ඒවා ටිකක් බොළඳයි ‍වගේ නේද? ආදරේට මම නම් වැඩිපුර කතා කරන්නෙ නම කියලා තමයි ඒත් සමහර වෙලාවට ආදරේ වැඩි වුනහම බං බොලන් කියලත් කියවෙනවා .....

    ReplyDelete
  3. "මගේ කඳුළු වැල්.. ඔබට සිනා මල්..
    මගේ සුසුම් වැල්... ඔබට පවන් රැල්...
    මගේ බඩවැල් ....ඔබට සොසේජස්...."

    මම නම් ආදර වදන් භාවිතා කරන්නේ හරිම අඩුවෙන් හැබැයි ඒකත් ගැටළුවක් වෙලා

    ReplyDelete
  4. එක හැබෑව මචන්. මන් බොලන් තමා හොඳම ප්‍රෙමනීය වචන. ඉස්සර කට්ටිය ඕවමනේ කිව්වේ. එයාල කොච්චර කල හොඳට හිටියද?

    ReplyDelete
  5. @ ම Lee - ඇට්ටද? රත්තරන් කියන්න්න්න්නෙම නැද්ද? හ්ම් හ්ම්... වෙන්න ඇති. මගේ එක්කෙනත් ඒක වෙනුවට කියන්නෙ සත්තලං කියලා. නූතන ‍Modified ප්‍රේමයනේ.

    @ මමනං නෙවෙයි මචං - ඒ කියන්නෙ ඔයාගෙ ආදරේ හෙනම නූතන එකක් නේද? අපි නම් ඔය කෑලි සේරම පාවිච්චි කරනවා. මැණිකේ කෑල්ල නම් නෑ. ඒක උඩරට පෙම්වතුන්ගෙ එකක් මට හිතෙන්නෙ. ඒක නෙවෙයි. දන්නවද මචං? සමහර වෙලාවට එයත් මගේ මචං. :)

    ReplyDelete
  6. @ මරණය - හික් හික්... ඒකත් හොඳයි තමයි. අර කතාවට කියන්නෙ දෙන්න වලි දාගත්තම.. "මාව මරාගෙන කාපිය" කියලා. එතකොට බඩවැල් ඔය විධියට පේන එක හොඳ වෙයි. ඒ අතින් අපි දෙන්නා නම් සර්වකාලීනයිද කොහෙද... ලෝකෙ තියෙන අපි දන්න හැම වදනයකින්ම අපි දෙන්නා කතාකරනවනේ... පැරණි අළුත් හැම එකකින්ම. දැන් එයා මගෙ පැටිස්.. මම එයාගෙ රෝල්ස්.. හික් හික් ලොල්ස්

    ReplyDelete
  7. @ හරේ - නූතනදත් අහනවා නූතන එකෙත් හොඳම එක :D මචන් කියන එකත් බොහොම හොඳයි. නූතන වහරෙදි මචන් කියන්නෙ හොඳම යාළුවට ආමන්ත්‍රණය කරන ශ්‍රද්ධ වචනයනෙ!

    ReplyDelete
  8. ආදරේට කියන කතා බොළඳ උනාට..රත්තරන්,මගේ පන,සුදූ,මැනික කියල කියන්නේ ආදරේ වැඩි හින්දනේ.. :D

    සමහර අය නමි දැන් SweetHeart, Sweety,My love,Darling කියලත් කියනවනේ..නවීන ආදරය.. :D
    ඒත් ඉතින් ඕවා කිවිවත් නොකිවිවත් ආදරේ ආදරේමයි..නැද්ද මන් අහන්නේ...:D

    ReplyDelete
  9. Yes. ur thinking is nice. weldone. i am always ready to hear u.

    I have request u to send me ur mail add. but nothing got. please send it me.

    shan.infor@gmail.com
    www.shaninfor.blogspot.com

    ReplyDelete
  10. @ මචන් සහ කංචි - ඇත්ත ඇත්ත... මට මතකයි දොස්තයෙව්ස්කිගේ (ඒක ලිව්ව හරිද මන්ද?) පොතක් තියෙනව poor folk කියල. ඒ‍ක ජී.බී. සේනානායක මහත්මයද කොහෙද පරිවර්තනය කරල තියෙනවා. ඒකෙ කියනවා තමන්ගෙ ආදරයට ලෝකෙ තියෙන මොන නමකින් කතා කලත් මදි කියලා. ඒක ඇත්ත කියල තේරෙන්න ඒ තත්ත්වෙට පත් වෙන්නම වෙනව.

    ReplyDelete
  11. @ ෂාන් - මම ඔයාට මේල් එකක් දාන්නම්. කියවනව‍ට බොහොම ස්තූතියි.

    ReplyDelete
  12. ඇත්තද ? ඒකත් හොදයි මම නම් වැඩියෙන්ම කියන්නේ ගල් ඉබ්බා ඇන්ඩ් මළ හොල්මන කියලා..මොකද ඒ තරමටම එයා ස්වීට්...:P :P

    ReplyDelete
  13. අවංකවම කියනවනම් මම මගේ ගර්ල්ට කියන්නෙ "මගේ මැණික" කියලා. එයත් මට කියන්නෙ මැණිකේ කියලා. මුලදිනම් හිතුනා මේ මොන ඇනයක්ද කියලා.ඒත් ඒකෙත් ගතියක් තියෙනවා. අපිනම් ගොඩක් චෙලාවට මැණික, රත්තරන් කියලා කියාගන්නවා. මමනම් එයාට වස්තුව කියලත් කියනවා :) ඒ වගේම එයා මට "මගේ මහත්තයෝ" කියන කොට අම්මෝ දැනෙන සැප. ඒව්වා ඉතින් විදලම දැන ගන්න ඕන කොල්ලෝ.

    ආදරේ හුවමාරු කරගන්න කොට මේවත් තියෙන්න ඕන. නැත්නම් මොන ලව් කිරිලිද. :)

    ආදරේ බොළඳයි කිව්වට, එහෙම නැතුවත් බැහැ. ආදරෙත් ප්‍රොපෙෂනල් කරන්න ගියොත්නම් ජීවිතේ ගල්. එහෙම ප්‍රොපෙෂනල් කරන්න ගියොත් ලේට් වෙන ලේට් විල්ලට දැනට මෙමෝ අම්බානක ඇවිත් තියෙයි. :)

    ReplyDelete
  14. මෝඩයා මැට්ටා බූරු පැටියා වගේ වචන භාවිතා වෙන්නේ නැද්ද... අනේ මන්දා... බොළඳ වචන නම් භාවිතා වෙනවා අඩුයි... සමහර වෙලාවට පාවිච්චි වෙන්නෙ නෑ කියන්නත් බෑ... අවස්ථාව අනුව වෙනස් වෙනවා.... පිස්සු.....

    ReplyDelete
  15. @ මලී - ඇත්තද? ගල් ඉබ්බො නම් තම්බල කටුව ඇරල ගත්තමත් හෙන ගල් වගේ හයියලු. මල හොල්මන්... මංදා ඔය දෙකම ස්වීට් නම් නෑ.

    හසන් - ඔය වචන සෙට් එක මටත් ඉඳහිට ඇහෙනවා. සැපයි නම් තමයි. ඒ ගැන කවර කතාද?

    ආගන් - පිස්සු? කාටද? මුළු ලෝකෙටම? ඇත්තම කියනව නම් මෝඩයා මැට්ටා කියලත් මම අහගන්නවා මගේ බූරු වැඩ නිසා.

    ReplyDelete
  16. මරැ මරැ මරේ මරැ

    ReplyDelete

මං ඔයාගෙ එකේ බයිල ගහන නිසාවත් ඔයා මාව දන්න නිසාවත් නෙවෙයි. මගේ වමනෙ පාර දැකල ඔයාලටත් වමනෙ යන්ඩ වගේ එනවනම් විතරක් මේ කොමඩ් එකට දාන්ඩ!